កំណាព្យ «កុំហៅថាខ្ញុំស្រីចាស់» និពន្ធដោយកវី លឹម ផាន់ណា

កុំហៅខ្ញុំថាស្រីចាស់

ហេ! កុំច្រឡំ
មើលឱ្យចំ ខ្ញុំជាស្រីស្អាត
មិនខ្វះប្រុសៗតាមសារភាព
ប្រយ័ត្នខាត បើបងមិនចេះញ៉ែ។

អូនអាយុច្រើន 
តែមិនខ្វះអ្នកតាមស្រលាញ់
ចេះធ្វើខ្លួន ចេះធ្វើឱ្យគេក្នាញ់
បងសម្លាញ់ កុំសាញថាអូនចាស់។

កុំហៅខ្ញុំថាស្រីចាស់
អាយុអូនទើបតែម្ភៃក្រាស់
ខំលាបម្សៅឡើងក្រាស់ៗ
ស្នាមជ្រួញក៏ឃើញមិនសូវច្បាស់។

ស្រីចាស់តែមានមន្តស្នេហ៍
រឿងធ្វើខ្លួនមិនឱ្យចាញ់គេ
ស្រលាញ់អូនទៅមាសមេ
អូនបងសុទ្ធតែនៅទំនេរ។
@និពន្ធដោយកវី លឹមផាន់ណា
@Page facebook https://m.facebook.com/story.php?story_fbid=2268232456594291&id=184055748345316